پولیس دارستانەیل سلێمانی کۆنترۆڵکردن ئاگر کۊەی ئەزمەر راگەیەنێد و لێکۆڵینەوەیگ لەباوەت زەرەدەیل واز کەێد
شەفەق نیوز - سلێمانی
وەڕێوەبەرایەتی پۆلیس دارستانەیل و ژینگە لە پارێزگای سلێمانی، ئمڕوو شەممە، خەوەردا لە کۆنترۆڵکردن ئاگریگ کە لە کۊەی ئەزمەر لە لای ناحیەی "سیتەک" رۊ داگە، و دەسنشان ئەرا ئەوە کرد کە تیژی وا هاوبەش بۊە لە فراوانبۊن رووبەر ئاگرەگە، لە وەختیگ لێکۆڵینەوەیل هێمان وەردەوامن ئەرا دیاریکردن بڕ زەرەدەیل.
وەڕێوەبەرایەتییەگە لە بەیاننامەیگ کە رەسیە ئاژانس شەفەق نیوز، وت کە "شەو وەرجە دۊکە ئاگریگ لە کۊیەی ئەزمەر لە لای ناحیەی سیتەک هیز گرد، و رووبەرەی وە شیوەیگ زویوەزوی فراوان بۊە وە مدوو تیژی وا لە ناوچەگە".
بەیاننامەگە زیاتر وت کە "وەڕێوەبەر پولیس دارستانەیل و ژینگە لە سلێمانی وە شیوەیگ مەیدانی سەرپەرشتی پرۆسەیل کپەوکردنەگە کردگە وە بەشداری مەفرەزەیل پولیس لە شارباژێڕ و سیتەک و بارەگای وەڕێوەبەرایەتییەگە، وە هەماهەنگی وەگەرد تیمەیل وەرگری شارستانی و شمارەیگ لە خوەیبەخشەیل، کە دەور ئاگرەگە گیریا و وە تەواوی کپەو کریا".
لەباوەت زەرەدەیل، پولیس دارستانەیل دووپات کرد کە "بڕ زەرەدەیل کە لە ئەنجام ئاگرەگە وە شیوەیگ کۆتایی تا ئیسە دیاری نەکریانە"، و دەسنشان ئەرا "وەردەوامبۊن لێکۆڵینەوەیل کرد ئەرا زانستن مدووەیل رۊداین رۊداوەگە و هەڵسەنگاندن زەرەدەیل ژینگەیی و دارایی".
سەرچەوەیگ تایبەت لە سلێمانی، ئیوارەی دۊکە جمعە، خەوەر داگە لە رۊداین ئاگریگ لە ناوچەی دێوی سیتەک لەبان کۊەی ئەزمەر، لە وەختیگ تیژی وا هاوبەش بۊ لە زویکردن تەشەنەکردن ئاگرەگە و سەختی کۆنترۆڵکردنی.
