پولیس دارستان لە گەرمیان ١٥٠ راوچی لە ماوەی ساڵ ٢٠٢٣ دەسگیر کەێد
موقەدەم ئەکەرم کامل ساڵح وەڕیەوبەر راگەیانن وەڕیەوبەرایەتیەگە ئەرا ئاژانس شەفەق نیوز وت: مەفرەزە و دەوریویل راوچیەیل دەسگیر کردن و دەسنانە بان چەک و ئامێر ڕاوکردنیان لەبان شکاندن رێسگایل راوکردن، و دەسدرویژی لەبان ژینگە وەگورەی مادەیل یاسایی مقیەتیکردن و خاسەوکردن ژینگە.
وتیش؛ دیارترین ئەو چەکەیلە کلاشینکۆف و پەڕان و بەلەم و موەلدەی کارەبا و تەقەمەنی قەیەغە و چشتەیل ژەهراوی کە ئەرا ڕاوکردن وەکاری هاوریاس، وەگورەی یاسا دەسنریا بانیان.
ساڵح دووپات کرد کە باج تا دوو ملیۆن و ٥٠٠ هەزار دینار پویل لەبان پێشێلکارەیل چەسپیا، وەگورەی پێشێلکارییەیل، و پەیماننامە لەلیان بریا کە گلەیگترەک دەسدرویژی لەبان ژینگە و سامان ئاژەڵی و ماسی نەکەن.
یاسای مقیەتیکردن ژینگە ئویشێد: سزای هەرکەسیگ دریەێد فەرمان و سیستەمەیل و رینماییەیل یاساگە شکنێد وە زیندایکردن تا ماوەی لە یەک مانگ کەمتر نییە و باجیگ لە ١٥٠ هەزار دینار کەمتر نییە و لە ٢٠٠ هەزار دینار زیاتر نییە.
