کوشیان ژنیگ و زەخمداری ٩ کەس دوو رویداو هاتوچو لە دیالە و گەرمیان
شەفەق نیوز/ سەرچەوەیگ ئەمنی لە دیالە، ئمڕوو جمعە، خەوەردا لە کوشیان ژنیگ و زەخمداری دوو. کەس وە رویداویگ هاتوچو لەبان ری ناوەی بەغداد و خاڵس، و پەنج کەسیش لە رویداویگ هاتوچو لە ئیدارەی گەرمیان زەخمدار بوین، و دوو رانندە وە رویداویگ هاتوچو سێیەم لەبان ری سەرەکی ناوەین هەڵەبجە و سلێمانی زەخمدار بوین.
سەرچەوەگە ئەرا ئاژانس شەفەق نیوز وت: مامووستایگ زانکۆ خەڵک کەربەلا وەڕیەو بوی ئەرا هەولێر پایتەخت هەرێم کوردستان، و داڵگ و باوگی وەگەردی بوین، و ماشینەگەی نزیک خاڵ (مدرع) لەبان ری بەغداد - کەرکوک پلیا، کە بویە هوکار کوشیان داڵگەگە و زەخمداری باوگە و خوەییش تویش زەخمداری سووکیگ هات.
تەرمەگە ئەرا پزشک دادوەری بریا و زەخمدارەگە ئەرا خەسەخانە.
هەرلیوا، وەڕیەوبەرایەتی هاتوچو ئیدارەی گەرمیان لە بەیاننامەیگ رەسیە ئاژانس شەفەق نیوز وت: رویداویگ هاتوچو کەفتە ناوەین ماشینیگ مارکەی نیسان نیڤارا کە وەرەو قەزای دەربەندیخان چیاد، و ماشینەگە لەدەسی دەرچگ لە نزیک ئاوای "لواوان"، کە داد لە تەیمانەیگ کۆنکریتی لەبان ریەگە.
وتیش: رانندەگە و چوار کەس لەناو ماشینەگە زەخمدار بوین، و ئەرا خەسەخانەی شەهید مەلا ئەحمەد لە ناحیەی باوەنوور لە کەلار بریان.
لەلاییگ ترەک، وەڕیەوبەرایەتی هاتوسو پارێزگای هەڵەبجە لە هەرێم کوردستان لە بەیاننامەیگ رەسیە ئاژانس شەفەق نیوز وت: دوو رانندە لە رویداویگ ناوەین ماشینەیلیان لەبان ری سەرەکی ناوەین هەڵەبجە و سلێمانی زەخمدار بوین، ئەوەیش دویای سەنین ئەنار لە هەڵەبجە لەناو فیستواڵ ئەنار، و هەردوگ زەخمدارەگە ئەرا خەسەخانە بریان.
فیستواڵ ئەمنی لە هەڵەبجە لە فیستواڵەیل میللی ساڵانەس، کە جەماوەر فرەیگ دیرێد، و لە گشت ناوچەیل روی وەرەو پی کەن تا ئەنار ئەو شارە بسینن.
