کوشیان گەنجیگ وەدەس خاڵوی لە کەرکوک و تلیان ژنیگ لە گەرمیان
سەرچەوەگە ئەرا ئاژانس شەفەق نیوز وت: دویەشەو، پیاویگ لە ناوچەی رەشید ئاوا لە شار کەرکوک وە چشت تیژیگ زەخمدار خوارزای خوەی کردیە و ئەرا چارەسەری بریاسە خەسەخانە.
وتیش: گەنجە زەخمدارەگە لە تەمەن ٣١ ساڵان، ئمڕوو لەوەر زەخمەیلی گیانی لەدەسدا، و هزەیل ئەمنی تاوانکارەگە دەسگیر کردن.
هەرلیوا، سەرچەوەیگ ئەمنی لە ئیدارەی ناوچەی گەرمیان لە هەرێم کوردستان ئەرا ئاژانس شەفەق نیوز وت: ژنیگ لە قەزای کەلار وە رویداویگ تلیان گیانی لەدەسدا.
موقەدەم عەلی جەمال قەدوری وەڕیەوبەر راگەیانن و پەیوەندی پولیس گەرمیان ئەرا ئاژانس شەفەق نیوز وت: ژنیگ لەداڵگبوی ١٩٧٠ وە رویداویگ تلیان لە گەڕەک سیروان لە قەزای کەلار گیانی لەدەسدا.
وتیش: ژنەگە وەرجە رەسینی ئەرا خەسەخانەی کەلار گیانی لەدەسدا، و تەرمەگەی ئەرا پزشک دادوەری بریا، و هیزەیل ئەمنی ئەو رانندە دەسگیر کردن ک ژنەگە تلانیە، و لێکۆڵینەوە لە رویداوەگە واز کردن.
