کوشیان فەرمانبەریگ حکومەتی وە پەلاماریگ چەکدار لە وەردەم ماڵەگەی لە ناوچەیگ کوردستانی

شەفەق نیوز/ وەڕێەوبەرایەتی پۆلیس ئیدارەی ناوچەی گەرمیان لە هەرێم کوردستان، ئمڕوو یەکشەممە، خەوەردا لە کوشیان فەرمانبەریگ حکومەتی وە پەلاماریگ چەکدار لە وەردەم ماڵەگەی لە قەزای کفری.

موقەدەم عەلی جەماڵ قەدوری لە بەیاننامیگ رەسیە ئاژانس شەفەق نیوز وت: نیمەڕو ئمڕوو، هاووڵاتییگ وەناو (سهێل خورشید عەزیز) لە داڵگبوی ١٩٦٠ فەرمانبەرلە لە کشتوکاڵی "کفری" لەوەردەم ماڵەگەی لە قەزاگە كەفتە وەر پەلاماریگ وە گولە لەلایەن کەسەیلیگ نەناسریاگ کوشیا.

وتیش: هیزەیل پۆلیس روی کردنە شوین رویداوەگە ودەسکردنە لێکۆڵینەوە ئەرا ئاشکراکردن ناسنامەی تاوانکارەیل، و تەرمەگە ئەرا فەرمانگەی پزشک دادوەری کلکریا.