کوشیان کەسیگ و بەسیان دوو یانەی شەوانە لە هەولێر
شەفەق نیوز/ پۆلیس پارێزگای هەولێر پایتەخت هەرێم کوردستان، ئمڕوو شەممە، خەوەردا لە کوشیان کەسیگ لە ناحیەی عەنکاوە و بەسیان دوو یانەی شەوانە لە شارەگە.
پۆلیس لە بەیاننامیگ ئمروو وت: دۊیەشەو کوشیانیگ لە ناحیەگە بۊی، و هێزەیلمان وەکوتپڕ رەسینە شۊنەگە، و دەسکردنە لێکۆڵینەوە، تا دەرکەفت کوشیایەگە ناوی "ناسر سواره عوسمان" بۊی.
لە بەیاننامەیگ تر، پۆلیس هەولێر وتیش: لەناو بڕیارەیل وەزارەت ناوخۆ، و پارێزگای هەولێر لە رێکخستن کار یانەیل شەوانە، بەش پۆلیس شارەوانی سەروە وەڕێەوبەرایەتی پۆلیس پارێزگای هەولێر وەگەرد دەسەی قایمقامیەت، دوو یانەی شەوانە بەسان ک کار ناگونجیاگ لەناویان بۊیە، و دووپات کرد ک هەڵمەتەگەی لەبان ئەو یانەیلە وەردەوامە.
وەیەوە هەولێر چوار یانەی شەوانە وەماوەی کەمتر لە یەک هەفتە بەسا، وەگەرد دەسگیرکردن نزیکەی ٢٠٠ کەس لە ژن و پیاو لەوەر کردەوەیل نا رەوشتی، و وەکارهاوردن هووشبەرەیل.
