کورونا، گیان هڤدە کرماشانیێ تریش گرت

شەفەق نیوز/ قوڕات هەواڵنێری ستاد کورونای کرماشان لە موسبەت بیین ئازمایێشت کورونای هەشتا و هەشت کرماشانێ تر خەوەر دا و وت: تا ئێسە هەشت هزار و چوار سەد و هەشتاد و پەنج بیمار دە بیمارستانەیلە خەفانیمنە ک هەر ئێسەیش هزار و سەد و دە بیمار لەێیان هێمان هانە بان جی دە بیمارستانەیلە.

مەهدی موحەمەدی، دە بارەی وەز و وەزیات کرماشان، وت: بیمارەیل سەرپایی، وە بان یەکتری، وەرد ئی دوسەد و پەنجا و شەش بیمار ئمڕووە، وە بیس و هەفت هزار و چوارسەد و چوار بیمار رەسینە.

ئەو وت: هە لە سەرا تا ئێسە، بیس و یەک هزار و سەد و پەنجا و شەش کەس خەفانیمنە و هێژدە هزار و نۆسەد و چل و هەفت کەسیش خاسەو بینە و لە بیمارستان مورەخس کریانە.