کوردە وە رەگەزنامەی تورکی.. هویردەکاریەیل نوویگ لەو ژن کوشیایە لە سلێمانی.. وینە
شەفەق نیوز/ سەرچەوەیلیگ لە پارێزگای سلێمانی، ئمڕوو سێشەممە، ئاشکرای هویردەکاریەیل نوویگ لەو ژنە کردن ک شەوەکی ئمڕوو، وەڕەوشەیل نادیارگ لە پارێزگاگە کوشیا.
سەرچەوەیل ئەرا ئاژانس شەفەق نیوز وتن: قوربانیەگە وەناو (ناگهان ناکارسل) لە تومەن ٤٠ ساڵ بویە، وە (هەڤاڵ زیلان) ناسریاگە، ک هاووڵاتییگ کوردە رەگەزنامەی تورکی دیرێد.
دیاری کرد ک قوربانیەگە ئەندامە لە بنکەی تۆێژینەوەیل ئەکادیمی تایبەت وە بیماریەیل ژن، و چالکاوانیگ ژنانەس، و ئەندامە لە دەسەی گۆڤار (ژنۆ لۆژی)، و لە نزیک کارەگەی لە ناوچەی بەختیاری نیشتیە.
سەرچەوەیل مەزەنە کردن تاوانەگە دیارە سیاسیە وە گاڵداین یەکیگ لە دەوڵەتەیل هاوسا.
شەوەکی ئمڕوو، وەچەودیەیلیگ ئەرا ئاژانس شەفەق نیوز وتن: لە ساعەت ١٠ی شەوەکی ئمڕوو، دەنگ فیشەک لە ناوچەی بەختیاری رەسیە گووش، دویای ئەوە دەرکەفت ژنیگ لە ماڵەگەی کەفتیەسە وەر ١١ گولە.
