کورد مینەی کورسییگ پەرلەمانی لە سەڵاحەدین کەێد
شەفەق نیوز/ یەکێتی نیشتمانی کوردستان، ئمڕوو جمعە، ئاشکرا کرد ک وەسێ کاندید چوودە ناو هەڵبژاردن پەرلەمانی لە پارێزگای سەڵاحەدین.
حەسەن محمد ئەحمەد، ئەندام وەرین ئەنجومەن سەڵاحەدین لە یەکێتی ئەرا ئاژانس شەفەق نیوز وت: ئەوەسا سێ کاندید لە بازنەی هەڵبژاردن (بەلەد دوویەم) چنە ناو هەڵبژاردن لە بەلەد و دجێل وزڵوعیە وئامرلی ودووزخورماتو و سلێمان بێگ گرێدەو.
ئەحمەد وتیش؛ یەکێتی ئەوەسا وە دوو کاندید ژن و پیاویگ ک خوەیان (مەڵا کەریم شکر محمد) و (چیان محمد عەزیز) ـە چوودە ناو هەڵبژادن، و پارت دیموکرات وەتەنیا کاندیدیگ ک خوەی (هیوا تاهیر) ـە چودە هەڵبژادنەگە.
و مەزەنە کرد ک شایەت کورسییگ بکەفێدە دەس وهیمان نوێنەرایەتی ئەرا کورد لە سەڵاحەدین نییە، وتیش: یاسای هەڵبژاردنەگە ونشانەیل دووپات کەن ک کورد کورسییگ پەرلەمانی کەفێدە پی، ک خوەی لە ساڵەیل گوزەیشتە لەلی نزیک بوی، بەڵکم یاسای هەڵبژاردنەگە بەشەگە ئەنجام نەیا، هەرچەن کاندیدەیل دەنگەیل فرەیگ هاوردن.
ئەحمەد وتیش؛ سیستەم تاکانەگە لە هەڵبژاردن هاتگ دەرفەت رکابەری وە گیرهاوردن یەکیگ لە کورسیەیل پەلمانی سەڵاحەدین وەپیمان دەێد.
هەژمار کوردەیل لە سەڵاحەدین رەسێدە زیاتر لە ٥٠ هەزار کەس، و فەریان هانە قەزای سووزخورماتو.
