کوردستان: 1000 مێگاواط ئەرا عراق دابین کەیمن و ئامانجمان خوەیبژێوی داراییە لە ماوەی دوو ساڵ
شەفەق نیوز - هەولێر
جیگر وەڕیەوبەر نووسینگەی سەرۆک وەزیرەیل هەرێم کوردستان، عەزیز ئەحمەد، رووژ سێشەممە، دووپات کرد کە هەرێمەگە ناوچەیل ترەک لە عراق وە 1000 مێگاواط لە کارەبا دابین کەێد لە وەختەیل لۊتکە، و مەزەنە کرد خوەیبژێوی دارایی ئەرا کەرت وزە لە ماوەی دوو ساڵ ئایندە وەدی باریەێد.
ئەحمەد لە دانیشتنیگ گفتوگۆیی لەناو کارەیل دیداری "مێری" کە لە هەولێر بەسیاس وت، کە "ئەو بڕە کە هەرێم کوردستان ناوچەیل ترەک لە عراقی وەپی دابین کردگە لە ماوەی ساڵ گوزەشتە رەسیەسە 1000 مێگاواط، و یەیش لە وەختەیل لۊتکەی داواکاری بۊە لە ماوەی تاوسان و زمسان"، وە دیاریکردن ئەوەگ "شایستە داراییە وەدیهاتگەیل لە دابینکردن وزە ئەرا پارێزگایەیل ترەک دەسمیەتی حکومەت هەرێم دەێد لە داین شایستەی ئەو کومپانیایەیلە کە لە بەرهەمهاوردن وزە کار کەن".
رووشنەو کرد کە "خەرج مانگانە ئەرا بەرهەمهاوردن وزەی کارەبا لە هەرێم رەسێدە فرەتر لە 200 ملیۆن دۆلار، کە 120 ملیۆن دۆلار لەلی مانگانە چوودە ری خەرجەیل وێستگەیل بەرهەمهاوردن وزە"، وە فتراق داین ئەوە کە "80 لە سەد لە شایستە داراییەیل ئەو کومپانیایەیلە کە کارەبا بەرهەم تیەرن لە ماوەی ساڵ گوزەشتە خەرج کریاس".
ئەحمەد دەسنشان ئەوە کرد کە حکومەت هەرێم کوردستان "نموونەیگ نوو دیرێد ئەرا رەفتارکردن وەرد وزە کە ئامانج لەلی وەدیهاوردن خوەیبژێوی داراییە، وە شیوەیگ کە داهاتەیل وەرد خەرجەیل یەکسانەو بوون لە ماوەی دوو ساڵ ئایندە".
