کوردستان وە نیازە روفات 763 لە قوربانیەیل کیمیا واران هەڵەبجە لە ئیران بارێدەو
شەفەق نیوز/ وەرپرس نۊسینگەی هەڵەبجە لە پەرلەمان کوردستان، ئمروو سێشەممە، راگەیان، ئامادەکاریی کریەێد ئەرا گلەوداین ڕوفات 763 لە قوربانیەیل كیمیاواران هەڵەبجە لە ئیران.
شاخەوان ڕەئوف، لە فەیسبوک خوەی نۊسان: سەرداین کۆمەڵەی قوربانییەیل ھەڵەبجە کردنە، ئەرا ئەوەگ گفتوگو بکەن لەباوەت و گلەوداین روفات (763) شەهید لە وڵات ئیران، ک وەداخەوە تا ئیسە نەتۊنستنە ئەرا میلکان خوەیان گلیان بیریەێد. دیاریکرد، روفات شەهیدەیلە بەشیگیان لە قەورسان بەهەشت زەهڕا و بەشیگتر لە سنوور پارێزگای کرماشان و ناوچەی سەردەشتن.
لە 16 ئازار 1988 فڕۆکە جەنگییەیل عراق ئەرا ماوەی پەنج ساعەت وەبان هەڵەبجە فڕین و تێکڵایگ لە گاز خەردەل و سارین و گاز دەمارییەیل رشاننە خوار پەنج هەزار قوربانی لەلی کەفت ک فرەیان ژن و زاڕوو بۊن، و هەزارانیش زەخمدار بۊ.
عەلی حەسەن مەجید، ناسریاگ وە عەلی کیمیاوی، ئاموزای سەدام حسێن، لە کانوون دۊیەم 2010 سزای لەسێدارەدان ئەرای درکریا و وە تۆومەت ئەو کۆمەڵکوشیە لە سێدارە دریا. پەلامارداین کیمیاوارانەگە لە رووژەیل کۆتایی جەنگە هەشت ساڵەگەی ئیران و عراق رۊدا.
کیمیاواران ک وەجینۆساید ناسریا گەورەترین پەلامارداین کیمیایی بۊ وەرانوەر وەهاوڵاتیەیل مەدەنی نەتەوەی کورد ک وەگەرد "جینۆساید" لەیاسای ناودەوڵەتی هاوتەریبە، ک وەنیاز تۆڵەسەنین یا سزاداین دژ وە گروپیگ دیاریکریاگ ئەنجام دریەێد.
