کوردستان... دەسگیرکردن ئەو قاچاخچیەیلە کە دەسداشتن لە نقومبوین یەختەگەی کناراوەیل ئیتالیا

لە بەیاننامەیگ رەسیە ئاژانس شەفەق نیوز وت، دەزگای ئاسایش هەرێم توەنستن شمارەیگ قاچاخچی دەسگیربکەن کە دەسداشتنە لە دۆسیەی کلکردن هاوڵاتیەیل هەرێم کوردستان ئەرا کاراوەیل ئیتالیا، کە لە ئەنجام یەختەگەی نوقومبوی و زیاتر لە 64 هاوڵاتی کوشیان.

وتیش، لەدویای لێکۆڵینەوە و کووەوکردن زانیاری پەیوەنیدار وە رویداوەگە، وە فەرمان دادوەر ئاسایش شمارەیگ لە گەورە قاچاخچیەیل دەسگیرکریان کە بریتین لە : (ح، ح، أ)، (ب، ق، م)، (م، ي، أ)، (د، أ، ق).

دەزگای ئاسایش دووپاتکرد تەقەلا و لێکۆڵینەوە وەردەوامە، هەرکەسیگ ترەک دەسبوود لە قاچاخکردنەگە لە ناو هەرێم کوردستان یا لە دەێشت دەسگیرکرێد و درێدە دادگا.

.وەپای مادەی شمارە 28 ساڵ 2012 رێکار وەرانوەری گیرێد،لێکۆڵینەوە وەردەوامە ئەرا ئاشکەراکردن گشت ئەو کەسەیلە دەس دیرن دریەنە دادگا وەپای بەیانامەی دەزگای ئاسایش هەرێم.

پەیامنێر ئاژانس شەفەق نیوز وت، هەشت کەس لە دوو خێزان دانشت هەولێر هانە ناو قوربانی کووچبەرەیلە وەگەرد 11 کەس لە پارێزگای سلێمانی و تا ئیسە چارەنویس بڕیگیان نادیارە.