کوردستان دەسگیرکردن دەیان بازرگان مادەی هووشبەر و بڕیگ فرە لە مادەی هووشبەر (ڤیدیۆ)

شەفەق نیوز/ وەڕێوەبەرایەتی گشتی ئاسایش هەرێم کوردستان راگەیان، دەیان بازرگان مادەی هووشبەر و وەکارهاوەرەیل مادەی هووشبەر دەسگیرکریانە لەماوەی نۆ مانگ وەرین وەرد دەسگردن وەبان دەیان کیلوگرام مادەی هووشبەر و دەرزی و حەب هووشبەر.

لە بەیاننامەی وەڕێوەبەرایەتەگە هاتیە "وەڕێوەبەرایەتی ئاسایش هەرم کوردستان وەردەوامن لەچالاکیەیلیان لە ئارامی کۆمەڵایەتی  و بەرەنگاربوین مادەی هووشبەر و وبونیاتنان کۆمەڵگایگ تەندروس، کە لە بڕوار  16 تەموور 2024 تا 30 نيسان 2025وەڕێوەبەرایەتی  بەڕەنگاربوین مادەی هووشبەر سەر وە وەڕێوەبەرایەتی گشتی ئاسایش وە دەسمیەتی و هەماهەنگی وەید وەێوەبەرایەتیەیل ترەک دەیان توومەتبار سەنسن و فروشتن مادەی هووشبەر دەسگیرکردن لەناویان بازرگانەیلیگ بیانی و ناودەوڵەتی هەس وەرد دەسگیرکردن دەیان ترەک وە توومەت کیشانن" وتیش "لەهەمان وەخت دەسگیریاس وەبان زیاتر لە 595 کیلۆگرام لە مادەیل هووشبەزکە پێکهاتبوین لە کریستال و تلیاک  و کۆکائین و ماریجوانا  و هیرۆئین و حەشیش". 

وتیش "هەمیش دەسنریاس وەبان چەن کیلوگرامیگ حەب هووشبەر لە جویر کبتاگون و هەزاران شریت لە حەب ترامادۆل و هەزاران دەرزیهووشبەر لە جویر ترامادۆل و فینتانیل وتیس "توومەتبارەیل دەسگیرکریانە و کاغەز لێکۆڵینەوە ئەرایان وازکریاس و ئەرا نوای دادوەر کلکریەن".

لە بەیاننامەگە وتیش "وەڕێوەبەرایەتی بەرەنگاربوین ماددە هووشبەرەیل وە هاوکاری وەرێوەبەرایەتی گشتی بەرەنگاربوین ماددەی هووشبەر لە حکومەت فیدراڵی و لە زنجیرەیەک ئۆپەراسیۆن هاوبەش لە پارێزگایەیل بەغدا و نەینەوا و کەرکوک، توەنستن دەس وەبان هەزار و 470 کیلۆ حەبی مادەی هۆشبەری کاپتاگۆن بگرن، هەمیش وەرد دەسگیرکرد شمارەیگ بازرگان.