کوردستان.. دویای بڕیارەگەی حکومەت چەوەڕێ داوەزیان نرخ نەفت کرێد لە دوو هەفتەی ئایندە
شەفەق نیوز/ قسەکەر سزەمەنی لە پارێزگای سلێمانی رامیار رزگار، ئمڕوو یەکشەممە، مەزەنە کرد نرخ گشت جویرەیل بانزین لە هەرێم کوردستان داوەزێد لەدویای بڕیارەگەی حکومەت هەرێم وە ریگەدان ئەرا هاتن ئەو مادە لە پارێزگایەیل فیدڕاڵی.
رزگار لە بەیاننامەیگ رەسیە ئاژانس شەفەق نیوز وت، "بڕیار وەزارەت کاروبار سامانە سروشتیەل لەباوەت سزەمەنی وە تایوەت بەنزین، دەرفەتیگ وازکەێد ئەرا هاتن ئەو مادە لە ناوڕاس و باشوور عراق ئەرا هەرێم کوردستان، کە بوودە هووکار داوەزیان نرخ سزەمەنی وە گشتی".
وتیش، "ئیرنگە سزەمەنی لە ئەممارەیل ەردەسە و وەنرخ بەرزیگ سەنریاس، باوجی ئەو بەنزینەی لەناوڕاس و باشوور عراق سەنریاس لەماوەی 10 تا دوو هەفتە رەسێدە هەرێم، نرخ بەنزین 50 تا 100 دینار ئەرا هەر لیتریگ هەرزانەو کەێد.
دووپاتکرد، "بڕیارەگەی وەزارەت تەنیا بەنزین نیەگردەو، بەڵکم گشت پێکهاتە نەفتیەیل ترەکیش گرێدەو کە لە گوزەشتە کلکردنی لە عراقەو ئەرا هەرێم کوردستان قەیەغەبوی، وەی مدووە مەزەنەکرێد نرخ نەفت چەرمگ و گازۆیلیش داوەزێد".
