کوردستان: بڵاوکردن هێزەیل هاوبەش لە جەلەولا نوای پەلامارەیلە گرێد
شەفەق نیوز/ جەلال نوری جینشین سەرپەرشتیار لەبان ئیدارەی ناوچەی گەرمیان، ئمڕوو چوارشەممە، باس کرد ک بمبارانكردن دەورگرد شار جەلەولا لەلایەن ریخریاگ داعش لەوەر بۆشایی ئەمنی ناوبەین هێزەیل پێشمەرگە و سوپای عراق لە ناوچە دابڕیایەکان بویە.
نوری لە وتاریگ لە مەوقەی سەردانی ئەرا ئەو ناوچە ک بمباران کریا وت: ئیمە لە ئیدارەی ناوچەگە، سەردانیگ ئەرا ناوچەی (کۆکز) ئەنجام دایمن، و هاتیمنە دڵنیای هاوڵاتییەیلە وە پێشکەشکردن هاوکاری و گشت پاڵپشتی ئەریان بکەیمن، وتیش؛ ری وە ریخریاگ داعش نیەیمن نیغزەیا خوەی لە ناوچەگە جیوەجی بکەێد، ئەوەیش لەڕی هێزە ئەمنیەیلە ک خەوەیل ریخریایەگە لەناو بردن.
وتیش؛ هێزە ئەمنیەیلە پلان توکمەسگ دیرێد ئەرا نواگردن پەلامارە تیرۆریەیلە.
دەربارەی نووەوبوین ئی پەلامارەیلە هەر ماوەی جارێ، وەرپرسە خۆجێیەگە وت: بۆشاییگ ئەمنی لەناوبەین هێزەیل پێشمەرگە و سوپای عراق لەو ناوچەیلە هەسر ک بوونە هووکار ئیجوور پەلامارەیلیگ.
