کوت کردن لە دەوڵەت ئەڕا دەرس دین وە زوان داڵگی

شەفەق نیوز- بیس و نۆ نوێنەر پارلمان ئێران داخوازێ دانە وە سەرۆک پارلمان ئێران تا کوت لە دەوڵەت بکرێ، بوودجە بنرێ تا وە زوان داڵگی دە مەدرەسەیلە دەرس بدرێ.

 دە ئی داخوازە، وە بڕیارەیلێ جوور ماف مرۆڤ، مەنشوور زوان داڵگی، کونوانسیوون ماف زاڕووەیل و بڕێ تر لە قانوونەیل جەهانی هشارە کریاگە و بێ ژە ئەوە خواستنە ک ئەسڵ پانزەهم قانوون ئەساسی ئێران ک وتگە دە کەش زوان فارسی، وە زوان کەمهووزەیلێ تر، دوفێشتر کوردەیل و تورکەیل، دە مەدرەسەیلە دەرس بدرێ.

خاسە بزانن ک ئی ئەسڵە تا وە یەمە وە خاتر نەناین بوودجە لە لایەن دەوڵەت، ئجرا نەبییە.

هەر چەن ک بڕێ لە نمایەندەیل کوردزوان، ئی داخوازنامە ئمزا کردنە باوجی هیچ کام لە نوێنەرەێلەێ ئیلام، ئی داخوازە واژۆ نەکردنە.