وازکردن یەکەمین کارگەی مس و کێبڵ لەبان ئاست هەرێم کوردستان و عراق
شەفەق نیوز/ مەسرور بارزان سەرۆک حکومەت هەرێم کوردستان (کۆمپانیای مس و کێبڵی هەولێر) وازکرد کە لە شەش کارگە پێکهاتبوی و وە یەکەم کارگەی مس و وایەر و کێبڵ دانرێد لەبان ئاست هەرێ کوردستان و عراق.
نوێنەر کۆمپانیاگە، سدیق محمد، لە وتاریگ لە مەراسیم وازکردن کارگەگە وە ئامادەبوین مەسرور بارزانی پێشکەش کرد، راگەیان، “ئێ کارگە کە رووبەرەگەی رەسێ تا ٧٠ دۆنم درسکریایە، چەندین کارگەی هاناوی ئەرا بەرهەمهاوردن وایەر و کێبڵ جویراوجویر و قەبارەی جیاواز”.
وتیش؛، ئێ کارگەیە وە پیشکەفتیترین و سەردەمیانە دانرێد، و توەنیمن بەرهەم گشت بازاڕ هەرێم کوردستان و عراق دابین بکەین، هەمیش توەنستیمنە هەناردەی تورکیا و یۆنانی بکەین، دووپاتکرد کۆپیانیاگە توەنێد هەنادەی گشت وڵاتەیل ناوچەگە و جەهان بکەێد.
باس لەوەشکرد، عراق و لە چوارچمگی هەرێم کوردستان پەسمەنەیل مس ئەرا دەێشت کلکردن کە دوارە ریسایکلین ئەرای کریا و کلەوکریا، باوجی ئیرنگە کۆمپانیاگە وەی کارە هەڵسێد.
نوێنەر کۆمپانیاگە وتیش، بەرهەمیلە کاریگەری وەبان بازاڕ کێبڵ و وایر هەرێم و عراق دروسکەێد چوینکە کارگەگە خاوەن پیشکەفتیترین تەکنەلۆجیاس لەی مژارە، هەمیش دەرفەت کار ئەرا 700 خێزان دابین کەێد.
