چوار مردن و ١٢٠ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-04-01T11:53:03+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن چوار مردن لەوەر ڤایڕۆس کۆڕۆنا لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو ژن و پیاویگ لە حەسەکە و ژنیگ لە قامیشلۆ تۆمار کریانە.
جوان خان وتیش؛ ١٢٠ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٦٢ پیاو و ٥٨ ژن تۆمار کردن.
تووشهاتنە نووەکان وەیجوورە بەشەوە بوین: حەسەکە ٢٢، قامیشلۆ ٣٢، دێریک ٧، دەرباسیە ٣، ریقە ١٢، تەبەقە ١٤، رمێلان ٣، جل ئاغا ٢، کۆبانی ١، مەنبج ٤، دێر زۆر ١٠.
وتیش؛ ١١ خاسەوبوین تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٠١٧٩، ٣٨٢ لەلیان مردنە، و ١٣١٨ خاسەو بوینە.
