وارن و وەفر وارین داوەزین گەپیگ پلەی گەرمی لە هەرێم کوردستان
بەش کەشناسی وەزارەتەگە ئمڕوو لە بەیاننامەیگ راگەیان، لە ئەنجام کاریگەری نزمە پالەپەستۆ دەریای ناوڕاس لەبان هەرێم کوردستان مەزەنەکرێد لە سەرانسەر ناوچەگەمان دەسبکرێد وە واران، لە شەو یەکشەممە لەبان دووشەممە قویلترەوبوود کاریگەری پاڵەپەستۆگە فرەترەوبوود، وەگەردیا بڕ واران وارینیش فرەوبوود، هاتێ وەگەرد وارانەگە بەڵاچە بوود.
لە بەیاننامەگە ئاشکەرایکرد تونی وا بەرزەوبوود هاتێ بڕەسێدە بان 35 كم/ س، سەرەتا لە پارێزگای دهۆک دەسوەپی کەێد و کاریگەریەگەی درویژەو بوود ئەرا بان پارێزگایەیل هەولێر و سلێمانی و گشت ناوچەیل هەرێم کوردستان.
وەپای مەزەنەیل، شەوەکی رووژ دووشەممە، هاز و چالاکیەگەی ئێ شەپوولە کاریگەری دروسکەێد لەبان واران وارین رفتیگ، هاتێ ئاو بەرزەوبوود لە بڕیگ لە ناوچەیل هەرێم کوردستان جویر: ئامێدی، چمانکێ، شێلادزێ، سەنتەر پارێزگاى هەولێر، بەحرکە، خەبات، هیران، قوشتەپە، چەمچەماڵ، دەربەندیخان و مەیدان.
لە بەیاننامەگە وتیش، لەدویای نیمەڕوو رووژ دووشەممە، واران مامناوەندیگ و لەبان ناوچە کویەیلە سنووری وەفر وارێد پلەی گەرمی وە شیوەی گەپیگ داوەزێد لەناوەین 5 و 8 پلەی سیلیزی کاریگەری نزمە پاڵە پەستۆگە وەردەوام بوود تا شەو سێشەممە وەگەرد واران وارین پچڕپچڕ.
