واران و ئاژەڵەگان دەسکاری پەنج قەور وە کۆمەڵ لە شەنگاڵ کەن
2024-01-06T08:43:45+00:00
شەفەق نیوز/ واران رفتیگ وە دویاییە و دەسکاریکردن ئاژەڵەگان (سەگەیل وەرەڵا) زەرەد وە پەنج قەور وە کۆمەڵ رەسانییە، کە تا ئیسە واز نەکریانە لە دەوروگەرد قەزای شەنگال خوەرئاوای نەینەوا.
شایەتحال و چالاکوان مەدەنی (مەهر خەێرۆ) وە ئاژانس شەفەق نیوز وت، واران رفتیگ کە لەماوەی چەن رووژ گوزەشتە واریە و دەسکاریکردن سەگەیل وەڕەلا زەرەد وە پەنج قەور وە کۆمەڵ لەناوچەی (قزلکاند) لە خوەرئاوای شەنگال رەسانییە.
خەێرۆ دووپاتکرد، پەنج قەورە وە کۆمەڵەیل روفات 100 کەس گردنەسە خوەیان وەپای ئامار رێکخریاگەیل تایبەت وە ماف مرۆڤ چوودەو ئەرا پەلامارەگەی ئەندامەیل داعش وەبان قەزای شەنگال لە ئاب 2014.
چالاکوانەگە دیاریکرد، سەردان جیگەیل قەورەیل زەرەد وەخوەی دی کردیمنە و زەردەیلیان توومارکردیمنە ئەرا فیشار خستن وەبان لایەنەیل پەیوەنیدار تا قەورەیلە واز بکەن و ئەو رووفاتەیلە درارن کە زیاتر لە 9 ساڵە نادیارن.
دووپاتکرد، ناوچەیل دەوروگەرد شەنگال 92 قەور وە کۆمەڵ هالەلی، وتیش تا ئیسە تەنیا 55 گلەیان وازکریایە.
