هەولێر.. کوشیان ژنیگ و زەخمداری ژن و پیایگ وە گولە وەلایەن "زاوای خیزانەگە"
شەفەق نیوز ـ هەولێر
سەرچەوەیگ ئەمنی لە هەولێر، ئیوارەی ئمڕوو یەکشەممە، خەوەردا لە کوشیان ژنیگ و زەمداری ژن و پیایگ وە گولە، وە مدوو پەلامارداین "زاوای خیزانەگە" لە ناوڕاس شارەگە مدوو گیچەڵ کۆمەڵایەتی.
سەرچەوەگە وە ئاژانس شەفەق نیوز وت، ئەو کابرا پەیوەنی قەومایەتی وەر قوربانیەیل دیرێد (زاوای خێزانەگە)، ئیوارەی ئمڕوو وەبان ماتۆڕسکیل وە دەوانچە تەقەکردیە لە ماڵ خوەشگ ژنەی لە کویچەی 99، کە کەفێدە ناوەین جادەی (100 و120م) ناوڕاس شار هەولێر".
وتیش، لە ئەنجام تەقەکردنەگە باوگەگە و ژنەگەی زەخمداربوین، لەهەمان وەخت خوەشگ ژنەگەی تویش زەخمداری سەختیگ بوی کە وە مدوویەو گیان لەدەسدا لەدویای بردنی ئەرا خەستەخانە، وتیش؛ قوربانیەگە تەمەنی 24 ساڵە.
سەرچەوەگە دیاریکرد، پۆلیس لێکۆڵینەوە لە چۆنیەتی رویداوەگە و دەسگیرکردن تاوانبارەگە وایە وازکردیە وەپای زانیاری سەرەتایەیل هووکار رویداوەگە گیچەڵ کۆمەڵایەتیە.
