هەولێر سەرپیچی یاسایی توومار کەێد لە ڤیدیۆی بڕیگ لە ناودیارەیل تووڕەیل کۆمەڵایەتی
شەفەق نیوز/ وەڕێەبەرایەتی گشتی هاتوچو لە پارێزگای هەولێر پایتەخت هەریم کوردوستان، ئمڕوو پەنجشەممە، راگەیان سەرپیچیەیل یاسای هاتوچو توومارکردن ک هن بڕیگ لە ناودیارەیل تووڕەیل کۆمەڵایەتیە ک لەبان ئەو پەرەیل بڵاویان کردنە.
وەڕێەوبەرایەتیەگە ئمڕوو لە بەیاننامیگ باسکرد، لەی ماوەی دۊاییە تێبینی دەرچگن بڕیگ کەس کریەێد وە ناوەیل ( مۆدیل یان یوتوبەر و سناپەر) پارچەیل ڤیدیۆی خوەیان توومار کەن و لەبان تووڕ کۆمەڵایەتی بڵاویکەن ک یاسای هاتوچو شکاننە.
دیاری کرد، ئی کارە " گاڵداینێگە ئەرا ئسفاکەرەیل و دوارەکردن هەمان سەرپێچی" دووپاتکرد،" گشت سەرپیچیگ لە یاسای هاتوچو ئەگەر رۊدان رۊداو هاتوچو دیرێد، و ئیمە وەرپرسیمن ئەرا سنووردارکردن رۊداوەیل هاتوچو و کارەسات، لەوەر ئەوە یە ئەرک ئیمەس سکاڵا توومار بکەین دژ وە ئەو کەسەیلە و سزایان بدەین.
وەڕێەوبەرایەتیەگە لە بەیاننامەگەی وتیش،" ئیمە ئیڕنگە وە هاوکاری وەگەرد ئەنجومەن باڵای یاسادانان کارکەێمن و پەیوەندی وە دادگای لێکۆلینەوە لە هەولێر کردیمنە ئەرا وەرگردن رێکارەیل یاسایی لە وەرانوەر ئەو کەسەیلە".
