هەولێر...دراوردن تەرم ئەو کورە ك باوگی فڕەی دایەسە ناو چەم زاب

شەفەق نیوز/ وەڕێەوبەرایەتی وەرگری شارستانی لە پارێزگای هەولێر، ئمڕوو دوشەممە، دراوردن تەرم گەنجیگ لە چەم زاب گەپ راگەیان، لەدویای خنکیانی و باوگی دەسگیر کریا. 

وەڕێەوبەرایەتیەگە لە بەیاننامەی کوڵیگ وەگەرد پارچە ڤیدیۆیگ ک رەسیە وە ئاژانس شەفەق نیوز وت، تیمەیل فریاگوزاری توەنستنە تەرم هاوڵاتی سوفیان سلێمانی لە چەم زاب گەپ دەربکەن. 

وەڕێەوبەرایەتی پۆلیس هەولێر رووژ جومعەی گوزەشتە راگەیان، پیاویگ کورەگەی خوەی خنکانیە و دویای ئەوە فڕەی داسە ناو چەم زاب گەپ. 

قسەکەر وەڕێەوبەرایەتیەگە  موقەدەم هۆگر عەزیز، وت؛ باوگەگە دان وە تاوان کوشتن کورەگەی نایە ک خنکانیەسەێ و فڕەی داسە ناو چەم زاب گەپ لە ناوچەی "کەلەک"، وتیش، باوگ کوشیایەگە (س،ص) لە داڵگبوی ساڵ 1968، کوڕ بکوشەگە ناوی (س،س) نزیکەی 30 ساڵ تەمەنیە و هاوسەردارە و خاوەن دوو مناڵە. 

ئاشکەرایشکرد، باوگەگە وەپای ماددەی 405 لە یاسای سزادان عراقی ، دەسگیر کریا.