هەولێر بڕێ کار ئەرا نواگردن هشکەساڵی و کەم ئاوی کەێد
شەفەق نیوز/ پارێزگار هەولێر ئومێد خۆشناو، ئمڕوو یەکشەممە، راگەیان ک حکومەت خۆجێیی بڕێ لە کار و ریکارەیل ئەرا پلان نواگردن هشکەساڵی و کەمەوبوین ئاو برد.
خۆشناو لە وتاریگ ئەرا رووژنامەوانەیل وت: ئیمە هەڵمەتیگ نیشتمانی ئەرا مقەیەتیکردن ئاو خوازیمن، وتیش؛ ئیمە پاڵپشتیکردن پیاوەیل ئاین و دامەزراوەیل راگەیانن خوازیمن ئەرا هاندان مەردمەگە ئەرا کەمەوکردن وەکارهاوردن و بەد خەرجنەکردن.
وتیش؛ هەولێر وە رێژەی ٣٥٪ پشت وە ئاو چەو و چەمەیل بەسێد، و و رێژەی ٦٥٪ پشت وە ئاوەیل ژیر زەوی بەسێد.
پارێزگارەگە نشان دا ک ئەوەسا حکومەتەگەی دەسکەێدە هەڵمەتیگ ئەرا بڕین پێشێلکردنەیل لەبان لویلەیل ئاوەگە وەتایبەت ئەوانەگ باخچە لە وەردەم ماڵەیلیان کردنە، وتیش: ئیمە ئی باخچەیلە لا نێوەیمن، وەلێ پێشێلکردنەیل بان ئاوەگە بڕیمن ک ئی باخچەیلە وەپی ئاو دەن.
خۆشناو وتیش؛ ئەوەسا مەرجەیلیگ ئەرا دوکانەیل ماشین شووڕدن دانەیمن، ک ئامرەیل پاڵین ئاوەگە بنەن، و ئەوەسا کەفێدە ناو مەرجە سەرکیەیل ئەرا وەرگردن مووڵەتەگە.
