هەولێر...پیاویگ ژنەگەی و خوەی کوشێد و باوگ و کوریگ بونە قوربانی لەبرویداویگ هاتوچوی

شەفەق نیوز/ سەرچەوەیگ ناوخوەیی لە هەولێر، ئمڕوو یەکشەممە، خەوەر دا  لە خوەیکوشتن پیاویگ لە دویای کوشتن ژنەگەی لە یەکیگ لە ناوچەیل شارەگە.

سەرچەوەگە وە ئاژانس شەفەق نیوز وت، پیاویگ 46 ساڵان وە چەک کلاشینکۆف تەقە لە ژنە 40 ساڵانەگەی کردیە لە ناوماڵ خوەی لە گەرەک کوردێستان لە هەولێر، دویای ئەنجامدان تاوانەگە خوەیشی کوشتیە. 

وتیش، هیزەیل ئەمنی تەرمەیلە هووگردنە و لێکۆڵینەوە لە رویداوەگە وازکردنە.

هەمیش لە هەولێر، وەڕێەوبەر هاتوچو پارێزگاگە مردن باوگ و کوڕیگ وە رویداو  هاتوچو لە ری سەرەکیگ راگەیان.

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت، رویداویگ لە ری سێبیران-هەولێر رویدایە بویسە هوکار مردن باوگ و کوڕیگ.