هەنای کوردیگ فەیلی دەوریگ لە رزگارکرن مووسڵ رانێد
شەفەق نیوز/ چیرۆک وباس کاوەی کورد فەیلی لە فیلمە جهانیەگەی مووسڵ ک لایەن تووڕ نێتفلیکس بەرهەم کریا، ولەی دویاییە لەبان سەکو ئەلیکتڕۆنیی بڵاوی کرد، ئەو دەورە دزاقەو بوی.
فیلمەگە کاوەی گەنج لە یەکەم گرتەگەی نشاندا، لە رویوەڕوبینگ لەنوای کەسەیلیگ لە ریخریاگ داعش، و ئیجا فەرماندەی فیرقەگە داوا لەلی کەێد بچوودە ناو هێزەیل دەسوەردان زوینە، تا تۆڵەی ئاموزاگەی بسینێد، ک وەدەس تیرۆرستەگان کوشیا، تا دەور گرنگیگ لە ئەرک رزگارکرن شارەگە بڕانێد.
رەخنەگرەگان رایەیل جووراجور داشتن لەبان ئەو فیلمە ک ماسیۆ کارناهان دەرهێنانی کرد، و دەرهێنەر عراقی محمد دەڕاجی وکەسەیلیگ تر بەشداری بوین، ک خوەی یەکەم فیلمە و تەواوەتی وەزاووان عەرەوەدی وەتایبەت وە زاراوەی عراقی تەواو بوود، و فیلمەگە لە فیشتڤاڵ سینەمایی بوندقیە لە ساڵ گوزەیشتە هەل کریا.
فیلمەگەی مووسڵ، باس لە کەرتیگ تایبەت لە هێزە عراقیەگان کەێد، ک جەنگ دژوە ریخریاگ دەوڵەت ئیسلامی کەن، لەناوبەین ٢٠١٦ و ٢٠١٧ ئەرا رزگارکردن شار مووسڵ.
و بەرهەمکارەیل فیلمەگە دوو برا ئەنتۆنی و جۆ رۆسو بوین، و دویای ٤ مانگ لە رزگارکردن مووسڵ لە دەس ریخریاگ داعش لە کانون یەکەم ٢٠١٧، وە نهێنی لە وڵات مەغریب تۆمار کریا، لەوەر هووکارەیلیگ ئەمنی، وەگەرد تاخمیگ عراقی.
