"هەسەدە" ئاشکرای خاڵەیل رێککەفتن ئاگربەسی وەگەرد حکومەت سوریا کەێد
شەفەق نيوز- دیمەشق
هیزەیل سوریای دیموکرات (هەسەدە)، ئمڕوو جمعە، ئاشکرای خاڵەیل ئەو ئاگربەسیە کرد کە وەگەرد حکومەت سوریا واژوو کریا.
وەگورەی بەیاننامەیگ لەلایەن ناوەند راگەیانن هەسەدە کە رەسیە ئاژانس شەفەق نیوز: ئەو رێککەفتنە لەبان ئاگربەسی ناوەین حکومەت سوریا و هەسەدە وەگورەی رێکەفتن گشتگیر، وەگەرد لەیەکفامسنن لەبان تیکەڵاکردن هیزەیل سەربازی و ئیداری ناوەین هەردوگ لایەن.
دیاری کرد کە رێککەفتنەگە کیشانەوەی هیزەیل سەربازی لە کڕەیل رویوەڕویبوین گرێدەو، و هاتن هیزەیل ئەمنی وەزارەت ناوخۆ ئەرا ناو شارەیل حەسەکە و قامیشلۆ و دەسکردن وە تیکەڵاکردن هیزەیل ئەمنی لە ناوچەگە، و دروسکردن فیرقەیگ سەربازی لە سێ لیوا لە هەسەدە، وەگەرد لیوایگ لە هیزەیل کۆبانی لەناو فیرقەیگ ئەرا پارێزگای حەلەب.
هەمیش تیکەڵاکردن دامەزراوەیل ئیدارەی سەروەخوەیی لەناو دامەزراوەیل دەوڵەت سوریا، و چەسپیان فەرمانبەرەیل مەدەنی، و رێکەفتن لەبان یەکلاییکردن مافەیل مەدەنی و پەروەردەیی ئەرا گەل کورد، و گەرەنتی گلەوخواردن ئاوارەیل ئەرا ناوچەیل خوەیان.
وەگورەی بەیانامەگە، ئی رێککەفتنە خوازێد زەویەیل سوریا بکەێدە یەکیگ و تیکەڵاکردن تەواو لە ناوچەگە بوود، وە پاڵپشتیکردن هاوکاری ناوەین لایەنەیل پەیوەندیدار و یەکخستن تەقەلایەیل ئەرا دووارە بیناکردن وڵات.
لە رووژ 24 ئی مانگە، وەزارەت وەرگری سوریا راگەیان کە ماوەی ئاگربەسی لە کەرتەیل ئۆپراسیۆنەیل سوپا تا ماوەی 15 رووژ درویژە وەپی دریا.
