هیزە کوردییەیل وە ڕێککەفتن وەگەرد ئۆپۆزسیۆن حەلەب وەجیهیلن
شەفەق نیوز/ یەکیەیل پاراستن گەل کورد (پاڵگەی سەرەکی سەربازی هیزەیل سوریای دیموکرات)، ئمڕوو دووشەممە، دەسکردنە وەجیهیشتن گەڕەکەیل شار حەلەب، وەرەو دوو ناوچەی باکوور و خوەرهەڵات سوریا.
پڕۆسەی دەرچگن وەگورەی ئەو ڕێککەفتنە تیەێد کە وەگەرد باڵە چەکدارەیل ئۆپۆزسیۆن کریاس، کە دەسنانە بان شارەگە و گشت ئاوای و ناوچەیلی کەفتە دەسیان.
سەرچەوەیگ سەربازیی ئاگادار لە ڕێککەفتنەگە ئەرا ماڵپەڕ ئەلحورە ئەمریکی وت: پرۆسەی دەرچگن "ساعەتیگ وەرجەیە دەسوەپی کرد و لەری پاس دەرچگن وەرەو مەنبج و رەقە".
وتیش: باڵە چەکدارەیل "مەنین و دەرچگن خستنە دەس خود کوردەیل لە گەڕەک ئەشرەفیە و شێخ مەقسود".
ئاژانس ڕۆیتەرز، ئمڕوو دووشەممە، لە ڕاپۆرتیگ ئاشکرا کرد کە هیزە کوردییەیل لە ناوچەیل باکوور و خوەرهەڵات شار حەلەب دەسکردنە بە کیشانەوە.
سەرچەوەگە دیاری کرد کە رێککەفتنەگە پەیوەندی وە گەڕەکەیل ئەشرەفیە و شێخ مەقسوود دیرێد، و چەکدارەیل لە ئاوایەیل دەورگرد شار تەل رفعەت
باکوور شار حەلەب جیگیر بوین.
شمارەی کورد وە چەکدار و خەڵک مەدەنی لە دوو گەڕەک حەلەب و ئاوای و ناوچەیل تەل رفعەت نزیکەی ٢٠٠ هەزار کەسە.
