هیزەیل ئیران 11 کووڵبەر وە گولە زەخمدار کەن
2024-04-30T12:27:25+00:00
شەفەق نیوز/ وەپای راپۆرتیگ لە کۆڵبەرنیوز، ئمڕوو سێشەممە، ئاشکەرایکرد، لەوەر گولەی هیزەیل ئیران 11 کوڵبەر لە ناوچە جیاوازەیل خوەرهەڵات کوردستان زەخمداربوین.
لە راپۆرتەگە هاتیە، هیزەیل ئیرانی لە کڕ سنوور نەوسوود تەقەی راستەوخوەی لە کۆمەڵیگ کووڵبەر کردن وەلایەن کەم 10 کووڵبەر زەخموواربوین کە خەڵک شارەیل پاوە و جوانڕۆ و رەوانسەر وسەلاس باوەجانین، و بەشیگیان ئەرا خەسەخانەی نەوسوود کلکریانە.
وەپای ئامارەیل تەنیا لە ماوەی ساڵ وەرین وە مدوو تەقەی راستەوخوەی هێزەیل ئیران 373 کووڵبەر لە سنوورەیل خوەرهەڵات کوردستان کوشیانە و زەخمدارکریانە.
