١٠٠ هەزار گەشتیار وە ٢٠ ملیۆن دۆلار چوودە ناو سلێمانی لە نەورووز
ئارام جەماڵ قسەکەر فەرمی وەڕیەوبەرایەتی گەشتوگوزاری سلێمانی ئەرا ئاژانس شەفەق نیوز وت: لە سەرەتای مانگ ئازار زیاتر لە ١٠٠ هەزار گەشتیار ئەرا ناو سلێمانی هاتگە، ٩٠٪ لە خەڵک ناوڕاس و باشوور عراق و ١٠٪ لە دەیشت عراق بوین، و مەزەنەی زیایبوین شمارەگە وەگەرد بەرزەبوین پلەی گەرمی کرد.
وتیش: هاتن ئی شمارە دەسمیەتی لە جویلەکردن بازاڕ سلێمانی دا، و دیاری کرد کە وەناوهاتن ١٠٠ هەزار گەشتیار هیشت نزیکەی ٢٠ ملیۆن دۆلار باێدە ناو بازاڕ سلێمانی.
لە باوەت کاریگەری قەیران دارایی و شەپوول وارەنەگە لەبان هاتن گەشتیارەیل، قسەکەر فەرمی وەڕیەوبەرایەتی گەشتوگوزاری سلێمانی دووپات کرد کە قەیران دارایی کاریگەری لەبان جموجویل گەشتیاری و بەد نەکرد، چوینکە گشت گەشتیارەیل لە دەیشت هەرێم هاتنە، کە کاریگ خاس بوی ئەرا جویلەکردن بازاڕ.
جەماڵ وتیش: لە باوەت وارانەگە ئەوەیش كاربجەری لەبان هاتن گەشتیارەیل نەیاشت باوجی کاریگەری لەبان چەن شوینیگ داشت جویر بەنداو دوکان و شوینەیلیگ ترەک.
