هەرێم کوردستان: کەمەوکردن تەکان "دانە غاز" 1000 مێگاواط لە سیستەم کارەبا لەدەس دەێد
شەفەق نیوز - هەولێر
وەزارەت کارەبا لە هەرێم کوردستان، ئمڕوو چوارشەممە، خەوەر دا کە کۆمپانیای "دانە غاز" ئیماراتی بڕ دابینکردنەیل غاز ئەرا ویستگەیل بەرهەمهاوردن وزە کەمەو کردیە، ئەوەگ بۊە مدوو داوەزین بەرهەم کارەبا وە بڕ 1000 مێگاواط.
وەزارەتەگە لە بەیاننامەیگ فەرمی دووپات کرد، کە خوەی و وەزارەت سامانە سروشتییەیل پەیوەندی وەگەرد کۆمپانیاگە کەن ئەرا چارەسەرکردن ئی کێشە، و گلەوداین دابینکردنەیل غاز، و بەرهەمهاوردن کارەبا ئەرا رەوش ئاسایی خوەی.
یەیش لە وەختیگ وەزارەتەگە ئاماژە نەیا ئەرا مدووەیل راسەوخۆ ئەرا داوەزین تەکان سزەمەنی لەلایەن کۆمپانیای "دانە غاز" ئەرا ویستگەیل بەرهەمکاری کارەبای غازی لە هەرێم کوردستان.
کێڵگەی غازی "کۆرمۆر" لە قەزای چەمچەماڵ سەروە پارێزگای سلێمانی - کە کۆمپانیای دانە غاز ئیماراتی وەڕیەو بەێد - رۊوەڕۊ ئامانجگردنەیل دووبارە وە مووشەک و فڕۆکەیل بێفڕۆکەوان بوود هەر ماوەیگ جاریگ، ئەوەگ لە بوونەیلیگ وەرین بۊە مدوو هەڵپەساردن ئۆپەراسیۆنەیل کارپیکردن و وسانن تەکان غاز ئەرا چارەسەرکردن زەرەدەیل هونەری و رێکارە ئەمنییەیل.
