هەرێم کوردستان ئەرا مقەیەتی لە کۆڕۆنا وە بڕیگ بڕیار بەساننەگە قایم کەێد
شەفەق نیوز/ وەزارەت ناوخۆ لە هەرێم کوردستان، دووشەممە، راگەیان لە سەختکردن ریکارە تایبەتەگان وە مقیەتی لە ڤایڕۆس کۆرۆنا لە ناو شارەگان، دویای زیایبوین ژمارەی تووشهاتن و مردنەگان.
وەزارەتەگە لە بەیاننامەیگ رەسیە ئاژانس شەفەق نیوز وت: گشت شوونە گشتیەگان جوور ( بازاڕەگان و چێشتخانەگان و دوکانەیل بازرگانی) بایەسە نەیلن هاووڵاتیەگان بچنە ناو وەبی وەکارهاوردن دەمامەک، و هووشداری وە ١٠ رووژ بەسانن دا و خاوەنەگەی وباجیگ بایی یەک مەلیۆن دینار خریەێدە بانی.
هەمیش بەیاننامەگە بریاردا وە بەسانن گشت ناوەندە پزشکیەگان و (عەیادەگان پزشکی و دگان و تاقێگە) تا ماوەی ١٤ رووژ، وهەمیش بەسانن شوونەیل گەشتیاری و مەیدانەگان و کافیتریاگان و قاوەخانەگان. وتیش؛ بەسانن هۆڵەیل وەرزشی و لەش جوانی و مەلەوانگە و نادی شەوانەگان وەردەوامە، وهەمیش وەردەوامی لە قەیەغەی گشت بۆنەگان ( پرسە و ئاهەنگ و بۆنە کۆمەڵایەتیەگان). و چێشتخانە و خواردەمەنیەگان لە بەساننەگە وەخشان وەمەرجیگ وەشیوەی رەسانن راستەخۆ ( دلیڤەری) کار بکەن، وەگەرد چەودیریکردن رینما تەندروسیەگان.
