هەرێم کوردستان تەرم ئەو داڵگ و دویەتە وەرگرێد کە لە باکوور یونان خنکیان
2024-12-14T10:25:30+00:00
شەفەق نیوز/ دەزگای "لوتکە" ئەرا کاروبار پەنابەرەیل هەرێم کوردستان و گشت عراق، ئمڕوو شەممە، راگەیان تەرم "نالیا موستەفا" و دویەتەگەی "نور کاوێز" کە لە کۆتایی مانگ تەشرین دویەم خنکیان گلەودریان کە لە ئەنجام نوقومبوین بەلەم کۆمەڵە کووچبەریگ لە نزیک کناراوەیل یونان رویدا.
چوار کووچبەر گیان لەدەسدان لەناویانیش داڵگیگ و دویەتیگ 10 مانگانە کە لەئەنجام نوقومبوین بەلەمەگەیان لە دورگەی "ساموس" خنکیان لە باکوور یونان لە رووژ 28 مانگ وەرین.
داڵگ و دویەتە خەڵک هەرێم کوردستان عراقن.
دەزگاگە لە بەیاننامەیگ راگەیان، لەدویای تەواوکردن گشت رێکارەیل یاسایی، هەردووگ تەرمەیلە ئمڕوو شەوەکی لەڕی فرۆکەخانەی ناودەوڵەتی سلێمانی رەسین.
