هەرێم کوردستان بەنداو نوویگ واز کەێد
ئەوەیش لە وتاریگ مەوقەی رسوومەیل وازکردن بەنداو چمرکە لە ناوچەی قوشتەپە خان لە شار هەولێر پایتەخت هەرێم کوردستان، و دووپات کرد کە بیناکردن ئی بەنداوە لە چوارچیوەی بەرنامەی حکومەت هەرێم کوردستان تیەێد ئەرا گەشەپیدان سوودگردن لە سامانەیل ئاوی.
بارزانی دیاری کرد کە حکومەت بینای چەن بەنداویگ گەورە و بویچگ جیوەجی کرد لە ناوچەیلیگ جیاجیا لە هەرێم، و دووپات لەبان وەردەوامی ئی تەقەلایلە کرد ئەرا وەدەسهاوردن ئەنجامەیل فرەیگ، گرنگترینیان نواگیریکردن کاریگەرە بەدەیل ئەو لافاوەیلە کە هەڕەشەی ژیان هاوڵاتیەیل دەێد لە بەشیگ لە ناوچەیل.
بارزانی وتیش: ئی بەنداوەیلە رۆڵیگ گرنگ رانن لە پاڵپشتیکردن کشاوەرزەیل لە هەرێم کوردستان، وەگەرد دابینکردن دەرفەتەیل گەشتوگوزاری.
دووپات کرد بەنداوەیل هەمیش دەسمیەتی دەن لە دابینکردن وزەیگ زیاتر، و دووپات لە گرنگی ئەوپەڕی سووگردن لە ئاو بان زەوی کرد، و کەمکردن پشتبەسین وە ئاو ژیر زەوی، کە وەشیوەی رخبەریگ دەسکردە کەمەوبوین.
بارزانی وتیش: ئی سامانەیل سروشتیە تەنیا ئەرا خوەمان نییە، بەڵکم ئەرا نەوەیل هاتگیشە، ئاراوە بایەسە مقیەتیی بکەیمن، و وەخاسترین شیوە سوود لەلی بگریمن.
بارزانی باس خوەشاڵیی وە نووڕین تەواوبوین پڕۆژەی بەنداو چمرگە کرد، و دووپات کرد کە حکومەت هەرێم کوردستان گرنگی فرەیگ دەێدە سوودگردن لە ئاو وەشیوەیگ وەردەوام و کارا.
