هەرێم کوردستان... پیاویگ دۊتە ناخاڵەگەی خوەی وە شەش گولە کوشێد
شەفەق نیوز/ وەڕێەوبەرایەتی دژ وە تۊندوتیژی دژ وە ژنەیل و خیزان لە ئیدارەی ناوچەی "سۆران" لە هەرێم کوردستان ئمڕوو جومعە خەوەردا لە کوشیان دۊت 15 ساڵانیگ لەبان دەس باوگی وە گولە وە مدووی دەرچگنی لەماڵ وەگەرد دو کەس.
شێروان خالد قسەکەر وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت، لە ساعات3:00 شەفەق ئمڕوو خەوەردار کریانە وە لایەن خەسخانەی فریاگوزاری سۆران لە هەبۊن تەرمیگ وە ناو (ئ.ع.م)لەداڵگبۊی2007 خوەنەوارە و دانشتگ گەرەک شەهیدان لە قەزای سۆرانە.
وتیش،باوگ دۊتە شەش گولە ئاراستەی کردیە وە چەکیگ لە جۊر "کلاشینکۆف" وەکوتپڕ گیان لە دەسدایە، هووکار رۊدان رۊداوەگە دەرچگن دۊتە بۊیە وەگەرد دو کەس.
نەقیب شێروان وتیش، پەڕاو لیکۆڵینەوە ئەرا رۊداوەگە واز کریایە، و دادەوەر ئاگادار کریایە لە لێکۆڵینەوە، دیاریکرد تاوانبارەگە وەگورەی مادەی 406 دەسگیرکریایە لە یاسای سزادان عراقی وتیش ئەو دو کەسە وەگەرد دۊتە دەرچگنە خوەیان ڕادەس هێزەیل ئەمنی کردنە.
