هونەر سلێمانی لەناو زیندان چاکسازی گەورەساڵەیل فلیم نمایش کەێد
2024-08-21T09:18:57+00:00
شەفەق نیوز/ وەڕێوەبەرایەتی هونەر سینەما لە سلێمانی، ئمڕوو چوارشەممە، راگەیان فلیمیگ سینەمایی لەناو زیندان چاکسازی گەورەساڵەیل نمایش کریا.
کامەران نووری وەڕێوەبەر هونەر سلێمانی وە ئاژانس شەفەق نیوز وت: " لەناو زیندان چاکسازی گەورەساڵەیل سلێمانی، فلیمیگ سینەمایی نمایش کردن کە ماوەی شەش ساعەت وەردەوام بوی وە ئامادەبوین وەڕێوەبەز چاکسازیەگە و زیاتر لە 150 زیندانی".
وتیش؛ " نمایشە سینەمایەگە گشت رووژ سێشەممەیگ لە هەفتەگە نمایش کریاس وە هاوکاری و هەماهەنگی وەگەرد بەش نویسینگەیل ناو چاکسازیەگە".
نووری دووپاتکرد، "یەکەم نمایش جواودانەوەی نەرێنیانەی گەپیگ داشت لای ئامادەبویەیل داوای زیاتر کردن لەلی.
باس لەوەشکرد، " وەڕێوەبەرایەتی هونەر لە سلێمانی ئەو دەسەیەس کە وەرپرسە لەبان نمایشکردنەگە وە داواکاری وەڕێوەبەرایەت چاکسازی گەورەساڵەیل پارێزگاگە لەری نویسینگ فەرمی ئەرا ئێ دەسپێشخەریە کە کاریگەری خاسیگ وەبان رەفتار زیندانیەیل داشت".
