"هونەر ئەرا نواگیریکردن تونوتیژی دژ وە ژن".. پێشانگایگ هونەری لە گەرمیان پاڵپشتی ماف ژنەیل کەێد (وینە)
شەفەق نیوز/ لە ئیدارەی گەرمیان سەر وە هەرێم کوردستان، ئمڕوو چوارشەممە، پێشانگایگ هونەری رێکخریا وەبوونەی رووژ جەهانی بەرانگاربوین تونوتیژی دژ وە ژنەیل، وە دەسمیەتی ناوەین وەڕێوەبەرایەتی بەڕەنگاربوینەوەی تونوتیژی دژ وە ژنەیل و خێزان و وەڕێوەبەرایەتی گشتی رووشنهویری.
ئامانج پێشانگاگە هووشیارکردنە لە رخداریەیل تونوتیژی دژ وە ژنەیل و پاڵپشتیکردن لە مافەیلیان لەڕی هونەر چەو.
عەلی تازەدێ وەرپرس بەش هونەر شێوەکاری لە وەڕێوەبەرایەتی گشتی رووشنهویری و هونەر لە گەرمیان وە ئاژانس شەفەق نیوز وت، "پێشانگاگە دەیان تابلۆی هونەری پێشکەشکەێد کە باوەتەیل پەیوەنیدار وە تونوتیژی دژ وە ژنەیل گرێدە خوەی".
وتیش "تابلۆگان وە ئەوەگ جیاکریەن ناوڕۆکیان کاریگەرە، بڕیگیان تونوتیژی وەبان ژنەیل و کاریگەری دەروینی و کۆمەڵایەتیەیل نیشان دەێد ئەوەکانیش دویز کەن وەبان پەیام هیواو و یەکسانی و تواناداری".
وتیش "پێشانگاگە ولایەن بەش هونەر سەر وە وەڕێوەبەرایەتی رووشنهویری گەرمیان وە هاوکاری کۆمەڵیگ هونەرمەن ناوخوەیی واکریاس کە ئەو کاریلیانە پێشکەش کەن رەنگدانەوەی ژنەیل لە کۆمەڵەی کوردی و هەوەجەی بەڕەنگاربوینەوەی دیاردەگە خەێدەروی".
