هونەرمەنیگ کورد فەیلی خەڵات لە فستیڤاڵ نەسیر شەممە وەرگرێد

شەفەق نیوز/ شیوەکار ئاوات فریەدون کەریم مەلیک ئەرکەوازی خەڵات ڕێزلێنان لە فیستیڤاڵ هونەرمەن نەسیر شەممە وەرگرد، ک فیستیڤاڵەگە وەرجە سێ رووژ لە شانۆی وەتەنی لە بەغداد پایتەخت دەسکردە پی.

ئەرکەوازی ئەرا ئاژانس شەفەق نیوز وت: خەڵات  تەنیا وە شیوەکارەگان دریا، لەو فیستیڤاڵ گەورا ک زیاتر لە پەنجا کەسایەتی سیاسی و رووشنهویری و راگەیانن ئامادەی بوی.

ئاوات کەریم ئەو هونەرمەن شیوەکارە بەشداری لە ژمارەیگ لە پێشەنگایل بەغداد و هەرێم کوردستان کردگە وهەمیش لە فرە لە پێشەنگا ناودەوڵەتیەگان لە میسر وتونس و ئیمارات.

هونەرمەنەگە لە داڵگبوی ١٩٦٥ لە بەش کیمیا لە کۆلێژ ئەندازیاری دەرچگە، و لە مەکتەو سیریاڵی هویر تابلۆەگانی وەرگرێد.