هه‌ولێر 5 حاڵه‌ت تر تويشبوين وه كۆرۆنا تۆمار كرد
شه‌فه‌ق نيوز/ وه‌زاره‌ت ته‌ندروستى له هه‌رێم كوردستان، ئاشكراى تۆماركردن 5 حاڵه‌ت تر تازه‌ى تويشبوين وه ڤايرۆس كۆرۆنا كرد.
وه‌زاره‌ته‌گه له به‌ياننامه‌يگى ئه‌را شه‌فه‌ق نيوز وت: له ئه‌نجام وه‌رده‌وامى له وشكانن و گه‌ردين له‌شوون كه‌سه‌يل گومانليكرياى وه ويشهاتنيان وه ڤايرۆس كۆرۆنا، 5 حاڵه‌ت تر تازه وه ڤايرۆسه‌كه له پاريزگاى هه‌ولێر تۆمار كريانه.
به‌ياننامه‌گه هه‌ميش وت: ئه‌و كه‌شه‌يل تويشبويه پيكهاتنه له پياويگ 49 ساڵان و ژنيگ 23 ساڵان و دويه‌تيگ 14 ساڵان له نيشته‌جى قه‌زاى سۆران له گه‌ڕه‌ك 26 گوڵان.
باس له‌وه‌يش كرد كه‌س چواره‌ميش پياويگ ته‌مه‌ن 67 ساڵانه له خه‌ڵك ناحيه‌ى سمێلان و كه‌س په‌نجه‌ميش پياويگ 18 ساڵانه له خه‌ڵك كۆمه‌ڵگه‌ى ته‌لار ستى له ناحيه‌ى كه‌سنه‌زان ك ئه‌نداميگ خيزان تويشبوێ وه‌رين بويه.
جى باسه، به‌ياننامه‌گه هه‌ميش وت: گشت ئى تويشهاتگه‌يله وه‌ركه‌فته‌ى حاڵه‌ته‌يل وه‌رين بوينه.
