هه‌ولێر و مۆسكۆ ريككه‌فتن بازرگانى و وه‌به‌رهاوردن ئمزا ئه‌كه‌ن
شه‌فه‌ق نيوز/ ئه‌ميندار گشتى يه‌كێتى غورفه‌ى بازرگانى و پيشه‌سازى له هه‌رێم كوردستان, ئاشكراى ئه‌وه كرد هه‌رێم و روسيا سوو دوشه‌ممه له رێ وڕه‌سميگ، ياداشتيگ له‌يه‌كڕه‌سينه‌وه له هه‌ردوگ بوار بازرگانى و وه‌به‌رهاوردن ئمزا ئه‌كه‌ن.
له‌و باوه‌ته‌و، شڤان عه‌بدولڕه‌حمان له لێدوانيگ رووژنامه‌گه‌رێ وت: هه‌رێم كوردستان كار له‌بان ئه‌وه ئه‌كا ريككه‌فتننه‌يليگ بازرگانى و پيشه‌سازى وه‌ل ده‌وڵه‌ته‌يل پيشه‌سازێ ئمزا بكا و له‌ى چوارچێوه‌يشه له ماوه‌ى گوزه‌يشت ريككه‌فتنيگ وه‌ل وڵاته‌يل يه‌كگرتگ ئه‌مريكا ئمزا كردگه.
جى باسه، ئاماژه وه‌يه‌يش كرد سوو دوشه‌ممه يه‌كێتى غورفه‌ى بازرگانى و پيشه‌سازى كوردستان له مه‌راسيميگ تايبه‌ت له روسياى ناوه‌ندى ياداشتيگ له‌يه‌كڕه‌سينه‌وه وه‌ل غورفه‌ى بازركانى و پيشه‌سازێ مۆسكۆ ئمزا ئه‌كا له‌وه‌ر دابينكردن ده‌رفه‌ت وه‌به‌رهاوردن و هاوردن كۆمپانيايه‌يل رووسى ئه‌را هه‌رێم كوردستان.
