هه‌ولێر و به‌غدا ره‌سينه‌سه پيشنياره‌يليگ ئه‌را چاره‌سه‌ر كيشه‌ى نه‌فت و شايسته‌يل دارايى
شه‌فه‌ق نيوز/ دانيشتنه‌يل ناونى شاند باڵاى حكومه‌ت هه‌رێم كوردستان وه سه‌رۆكايه‌تى قوباد تاڵه‌بانى جيگر سه‌رۆك حكومه‌ت هه‌رێم وه‌ل حكومه‌ت عراقى وه‌رده‌وامه، ئه‌ويش وه‌خاتر ره‌سين وه چاره‌سه‌ره‌يليگ گونجياى ئه‌را هه‌ردوگ مه‌سه‌له‌ى نه‌فت و دابينكردن شايسته‌يل دارايى هه‌رێم وه‌رانوه‌ر پابه‌ندبوين هه‌رێم وه پابه‌ندبويه‌يلى.
له‌ى باوه‌ته‌و، سه‌مير هه‌ورامى قسه‌كه‌ر وه‌ناو جيگر سه‌رۆك حكومه‌ت هه‌رێم وت: دانيشتنه‌يل و بيجگه به‌يان زانياريه‌يل و به‌ڵگه‌يليگ و ئالشتكردنيان له‌ناونى هه‌ردوگلا، شاند هه‌ردوگلا ره‌سينه‌سه ئه‌وه چه‌ن پيشنياره‌يليگ خستنه‌سه روێ جوور چاره‌سه‌ر ئه‌را مه‌سه‌له‌ى نه‌فت و شايسته‌يل دارايى هه‌رێم.
جى باسه، هه‌ورامى باس له‌وه‌يش كرد شماره‌يگ له گه‌ورا وه‌رپرسه‌يل له وه‌زاره‌ت دارايى و پلاندانان و نه‌فت و وه‌ڕيه‌وبه‌ر كۆمپانياى سۆمۆ و شماره‌يگ له راوێژكاره‌يل سه‌ر وه سه‌رۆك حكومه‌ت عراقى به‌شدارى ئه‌كه‌ن له دانيتشنه‌يل و بڕياره گفتگوو له‌ى باوه‌ته‌و تا جومعه وه‌رده‌وام بدێ.
