نیم مەتر وەفر ری سەرەکی دهۆک بەسێد
2024-01-13T13:07:26+00:00
شەفەق نیوز/ فەرمانگەی خاسەوکردن ریوبان لە پارێزگای دهۆک، ئمڕوو شەممە، راگەیان کووشانەیل تیم پاکەوکردن وەفر وەردەوامە لە پاکەوکردن ری سەرەکی ناوچەی ناحیەی کانی ماسی و کویەی گارە لەدویای ئەوەگ ناوچەگە رویوەروی شەپوولیگ واران و وەفر بویەسەو لەماوەی سێ رووژ گوزەشتە.
کەمال محەمەد وەرپرس راگەیانن ڵە فەرمانگەگە ئەرا ئاژانس شەفەق نیوز وت، تیم پاکەوکردن وەفر ئمڕوو دەسکردنە وە وازەوکردن ری سەرەکی سنوور سەرزێر و ناحیەی کانی ماسی و ئاوەیلی سەر وە خوەیان.
محەمەد راگەیان، ئەستوری وەفرەگە رەسیە ئەرا 50 سانتیمەتر لەبانری سەرزێر هاوسنوور وەرد تورکیا.
دیاریکرد، تیمەیل پاکەوکردن ئیرنگە کارکەن ئەرا وازکردن کویەی گارە کە دویەشەو بەسیا بوی وە مدوو وەفر وارین وەبڕ گەپیگ کە رەسیە 28 سانتیمەتر.
