ژنەیلیگ ئەیزیدی لە پەرلەمان هەرێم کوردستان رەخنەیگ ئەرا حکومەت عراق ئاڕاستەکەن
2020-09-13T10:21:31+00:00
شەفەق نیوز/ شاندیگ لە ژن و دوێەتە ئەیزیدیەگان، ک سەردان پەرلەمان هەرێم کوردستان کردن، ئمڕوو یەکشەممە، دووپاتکردن لە پێویستیان ئەرا پەنای ئارامیگ ئەرا چگنەوەیان وەرەو ناوچەیلیان، و هەمیش ئاماژەکردن ک حکومەت عراق هیچ پشتگیرییگ ئەرا هاندان چگنەوەیان نەکردگە.
'' داڵگ شنی'' قسەکەر وەناو شاندەگە لە کۆنگرەیگ رۆژنامەوانی وت: ئیمە پەنای ئارامیگ خوازیمن، و ئاماژەکرد لە گرنگی ئەوە، تا بتوینن بچنەو ئەرا ناوچە بنچینەگەیان، وئیمە پشتگیری و ئاوەدانکردن ناوچەگە خوازیمن.
وتیش؛ تا ئیسە حکومەت عراق هیچ پشتگیرییگ یا ئامادەکردن کەشوهەوایل ئارامیگ ئەرامان نەکردگە تا بچیمنەو ئەرا ناوچەیلمان.
شاندەگە ک ئەرا پەرلەمان هەرێم کوردستان چگن، ژمارەیگ لە ژن ودوێتەگان بوین ک کەفتنە دەس ریخریاگ داعش، ئیجا لەدەسیان رزگار بوین.
