ژنیگ لە دهۆک لەناو بینایگ حکومی تەقە لە پیاویگ کەێد
2024-02-26T09:33:30+00:00
شەفەق نیوز/ سەرچەوەیگ لە پۆلیس ئاکرێ سەر وە پارێزگای دهۆک، ئمڕوو دووشەممە، خەوەردا ژنیگ تەقە لە پیاویگ کردیە لەناو بینایگ حکومی لەوەر ناکۆکی خێزانی.
سەرچەوەگە وە ئاژانس شەفەق نیوز وت، "رویداوەگە لەناو فەرمانگەی باری شارستانی سەر وە ناحیەی گردەسین سەر وە قەزای ئاکرێ رویدایە"، وتیش" پیاوەگە چوار گولە بەری کەفتیە ئەرا خەسخانە کلکریاس"
شایەتحالەیل وتن؛ "ژنەگە لە تۆڵەی باوگی ئێ کارە ئەنجامدایە کە وەبان دەس یەکیگ لە ئەندامەیل خێزانەگەی ئەو پیاو زەخمدارە کوشیایە".
