ژنێگ ئیلامی قارەمان بەربڕی کورونا
2021-02-11T18:46:05+00:00
شەفەق نیوز- دوکتور ئڵهام باستانی، پسپۆر بیمارییەێل نام‌زگ و بەرپرس بیمارستان کوروناییەێلەێ ئیلام، پا نا نوا و یەکم واکسەن کورونا دە ئیلام دریا ئەڵەێ.
ئی خانمە لە سەرەتاێ کورونا تا ئێسە، بێ‌هچان سەرپەرەشتی وسیان تیم پزشکی ئیلام دە وەر ئەو وەر کورونا دە ملێ بییە.
ئی خانمە دوکتورە دە ئیلام، جوور قارەمانێ ئەڕا بەربڕ کردن کورونا دناسرێ.
وە داخەوە، ئمساڵ یەکێ لە ژنەێل پزشک ئیلامی دە ئی بیمارستانە، لە وەشت کورونا، دە نام ئاخین و داخین هام‌کارەێلەێ و گشت ئیلامییەێلە، کورونا گرت و دە وەر چەمێیان چەن شەو بان ئەڵ بان گیان کنی و مرد.
