نێچیرڤان بارزانی و بالیۆز نەرویج باس پیشهاتەیل عراق و ناوچەگە و گفتوگۆیل بەغداد و هەولێر کەن
نێچیروان بارزانی پیشوازی لە بالیۆز نەرویج ئێسبن لیندباک کرد لە ئۆردن و عراق، لە شار هەولێر پایتەخت هەرێم کوردستان، وەپای بەیاناامەیگ رەسیە ئاژانس شەفەق نیوز.
لە دیدارەگە، گفتوگو کردن لە پەیوەنیەیل نەرویج وەرد عراق و هەرێم کوردستان، و گفتوگویەیل هەولێر و بەغدا ئەرا چارەسەرکردن گیچەڵەیل ناوەینیان، بارودۆخ سیاسی و ئەمنی لە عراق و هەرێم کوردستان وە گشتی ، و هەڵوژاردنەیل پەرلەمان کوردستان بارودۆخ شەنگال.
هەردوو لا دووپاتکردن لە پێویستی "ئەوزەڵداین وە پەیوەنی و هاوکاریەیل هاوبەش، وە تایوەت لە مژارەیلگ کە عراق و هەرێم کوردستان توەن وەلیفەت؟لەلی وەربگرن لە ئەزموونەیل نەرویج"، هەمیش رێککەفتن گرنگە ئەرا "پاراستن ئاشتی و بیوەیی لە عراق".
بالیۆز نەرویج دووپاتکرد، وڵاتەگە "وە بایەخەو نوڕێدە پەیوەنیەیل وەرد عراق و هەرێم کوردستان و ئاشتی و ئارامی لەناوی"، هەمیش دەرهاویشتە و لێکەفتەیل جەنگ و ئاڵۆزی لە خوەرهەڵات ناوڕاس و جەنگ لە ئۆکرانیا و چەن پرسیگترەک جی گرنگی هاوبەش بوی لە دویا گفتوگویە هاوبەشەیلیان.
