نێچیرڤان بارزانی پلەی 5 ئەفسەر گەورەی پێشمەرگە بەرزەوکەێد داوا لەلیان کەێد پەیمانەیل وەجی بارن (وینە)
2024-02-07T13:45:34+00:00
شەفەق نیوز/ سەرۆک هەرێم کوردستان نێچیرڤان بارزانی، ئمڕوو چوارشەممە، پلەی پەنج لە گەورە ئەفسەرەیل وەزارەتپێشمەرگە بەرزەوکرد لە مەراسیمیگ کە لە سەرۆکایەتی هەرێم کوردستان رێکخریاوێد.
لەدویای ئیمزاکردن لەبان فەرمان پلە بەرزەوکردنیان پلەیان بەرزەوکریا ئەرا لیوا روکن و لیوا، سەرۆک نێچیرڤان بارزانی پیرۆزبایی لە ئەفسەرەیلە کرد و هیوای سەرکەفتن ئەرایان خوازی، دووپاتکرد لەبان گرنگی " سەرکەفتن پرۆسەی چاکسازی و یەک ریزی هێزەیل پێشمەرگە لە چوارچمگ وەزارەت پێشمەرگە".
سەرۆک هەرێم دووپاتکرد، " ناو پێشمەرگە ناویگ پیروزە و پێویستە یەکەمین وابەستەیی پێشمەرگە ئەرا خاک و وڵات و نیشتیمانی بوود"، هەمیش دووپاتکرد لە پێویستی " وەرگردن گامەیل خێرا و جدی ئەرا یەک رزی هێزەیل پێشمەرگە"، پاڵپشتی تەواو خوەی ئەرا پرۆسەگە راگەیان.
لەلایگیش، ئەفسەرەیلە سوپاس و وەپیزانین خوەیان ئەرا سەرۆک نێچیرڤان بارزانی نیشاندان و ئەرا ئەو گرنگیدانە وە پێشمەرگە، دووپاتکردن لەبان بەڵێن پێشمەرگە ک " دڵسووزی و خزمەتکردن وڵاتەگەس".
