نێچیرڤان بارزانی پیشوازی لە داواکاری ئەنجومەن ئاسایش کەێد ئەرا گفتوگو مابەین بەغدا و هەولێر

شەفەق نیوز/ نێچیرڤان بارزانی سەرۆک هەرێم کوردستان، ئمڕوو جومعە، پیشوازی لە داواکاریەگەی ئەنجومەن ئاسایش ناودەوڵەتی لە هەولێر و بەغدا کرد ئەرا گفتوگویگ رێکخریاگ وەخاتر چارەسەرکردن ناکۆکیەیل و باوەتەیل مابەینیان. 

سەرۆک بارزانی لە تویتیگ ک ئمڕوو بڵاوکردیە لەبان تووڕ کۆمەڵایەیەتی تویتەر، سووپاس ئەنجومەن ئاسایش سەر وە وڵاتەیل یەکگرتوی کرد ئەرا درویژکردن ئەرکەگەی لە دەسمیەتیدان عراق. 

لە داواکاریەگەی ئەنجومەن ئاسایش داوا کرد " ک بەغدا و هەولێر گفتوگویگ رێک و پێک بکەن ئەرا چارەسەرکردن گشت گرفتەیلیان، وەپای دەستوور عراق.