نێچیروان بارزانی و گوتیریش باس رەوشەیل سیاسی و پەیوەندی هەولێر و بەغدا کەن
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی دویای نیمەڕو ئمڕوو پەنجشەممە، پیشوازی لە ئەنتۆنیۆ گوتیریش ئەمیندار گشتی نەتەوە یەکگرتگەیل کرد، وە ڕامادەبوین دوو جیگری، و باس لە دویاترین گەشەیل رەوشەیل سیاسی لە عراق و هەرێم کوردستان کردن، و پەیوەندیەیل هەولێر و بەغدا و گام و گفتوگۆەیل ناوبەینیان ئەرا چارەکردن گرفتەیل و بەرنامەی کار حکومەت فیدڕاڵی و رەوشەیل شنگال.
بەیاننامەگە دیاری کرد ک بارزانی لەناو دیدارەگە پارچەیگ لە باوەت بنەما و رێککەفتنەیل دروسکردن حکومەت فیدڕاڵی و بەرنامەی کاری نشان دا، و باس هەسی رەوشەیل خاسیگ ناوبەین هەولێر و بەغدا کرد ئەرا چارەکردن گرفتەیل کرد، و چەوەڕی کریاگە لە سەرۆک حکومەت عراق بەرنامەی کار حکومەت جیوەجی بکەێد، و نرخدار رۆڵ نەتەوە یەکگرتگەیل لە عراق و هەرێم کوردستان کرد.
لەلای خوەییش، ئەمیندار گشتی نەتەوە یەکگرتگەیل باس خوەشهاڵی خوەی لە گامەیل گفتوگۆەیل ناوبەین هەولێر و بەغدا کرد، و پاڵپشتیکردن نەتەوە یەکگرتگەیل وەتەقەلای چارەکردن گرفتەیل ناوبەینیان.
بەیاننامەگە وتیش: لە لاییگتر لە دیدارەگە باس هەڵوژاردن هەرێم کوردستان کریا، ک سەرۆک بارزانی دووپات کرد ک جویر سەرۆک هەرێم ئەوەسا لە ماوەی دەسەڵاتداری یاسایی مەوقەی ئەنجامدان هەڵوژاردن دیاری کەێد، وتیش: ئمساڵ هەڵوژاردن جیوەجی کریەێد.
بەیاننامەگە وتیش: هەردوگ لایەنەگە هاوڕا بوین لە گرنگی جیوەجیکردن رێککەفتن ناوبەین حکومەت فیدڕاڵی و حکومەت هەرێم کوردستان، لەباوەت گونجانن رەوشەیل لە شنگال تا بوودە هاندەریگ و زەمینەسازیگ ئەرا گلەوخواردن ئاوارەیل ئێزدی ئەرا میلکان خوەیان و ئاوەدانکردنی.
لە باوەت رەوشەیل ناوخوەیی لە هەرێم کوردستان، ئەمیندار گشتی نەتەوە یەکگرتگەیل دووپات کرد ک چارەکردن گرفتەیل ناوخوەیی و یەکڕزی لایەنەیل سیاسی، پایەی هەرێم کوردستان لە ئاست عراق و جەهان قایمەو کەێد.
