نێچیروان بارزانی وەی نزیکە دەسکەێدە دانوسەنین نوویگ وەرد لایەنەیل سیاسی لە بەغدا
شەهاب لە هەولێر ئەرا شمارەیگ دەزگای راگەیانن وت: ئیمە لە پەیوەندی وەردەوامدایمن وەرد گشت لایەنەیل، یەیش رێبازیگ بوی کە سەرۆکایەتی هەرێم هەمیشە گردیەسەوەر، و گشت ئەو گامەیلە کە لەباوت پرس هەڵوژاردن وە سڵاکردن وەرد حیزبە سیاسییەیل بوی.
وتیش: پرس هەڵوژاردن گرنگییگە ئەرا سەرۆک هەرێم چوینکە کوردستان لە بۆشایی دەستوریە، وتیش: سەرۆکایەتی هەرێم داوا لە لایەنە سیاسییەیل کەێد کە بەرژەوەنی کوردستان بخەنە ئەوبان گشت ڕەچاوکردنیگ لە باوەت هەڵوژاردن.
لە باوەت سەردانەگەی ئی دویاییەی رەجەب تەیب ئەردۆغان، سەرۆک کۆمار تورکیا ئەرا بەغدا و هەولێر، قسەکەر سەرۆکایەتی هەرێم وت: پەیوەندی وەرد تورکیا چشتیگ نوو نییە، کە ئبمە چەن بەرژەوەندی هاوبەش و هاوسایەتی خاسیگ دیریمن، وتیش: سەقامگیری لە ناوچەگە ئامانج گشتمانە.
دیاری کرد کە سەردانەگەی سەرۆک کۆمار تورکیا ئەرا هەولێر لە کارنامەی خوەی لە عراق نشانەیگ گرنگە ئەرا پەیوەندی ناوەین عراق و تورکیا و هەرێم کوردستان، هەمیش نشانەیگ گرنگە ئەرا ئەوە کە هەرێم هیمان لە هاوکیشەگە جەوهەرییە.
شەهاب لە کۆتایی قسەگەی وتیش: وەی نزیکە سەرۆک هەرێم کوردستان سەردان بەغدا کەێد، لەورا گردەوبوین ئاسایی هاوپەیمان ئیدارەی دەوڵەت ئەنجام دریەێد، جویر ئەوەگ ئەو جارەگە بوی.
لەسەرەتای مانگ نیسان ئمساڵ، سەرۆک هەرێم کوردستانی عراق سەردانیگ ئەرا بەغدای پایتەخت ئەنجامدا، لەو ماوە وەرد سەرۆک کۆمار عراق، عەبدولەتیف رەشید و سەرۆک وەزیرەیل سەرۆک وەزیرانی فیدراڵی عراق ، محمد شیاع سودانی گردەو بوی، و بەشداری لە گردەوبوین هاوپەیمان ئیدارەی دەوڵەت و چوارچبوەی هەماهەنگی کرد.
لە دویایین سەردانەگەی نێچیروان بارزانی سەرۆک هەرێم کوردستان باس لە ریەیل چارەسەرکردنی کێشەیل هەولێر و بەغدا و رەوش سیاسی عراق و هەرێم کوردستان و بڕیگ باوەت تەرەک کرد.
